ЗА ПРВПАТ ВО МАКЕДОНИЈА - НОВ ПРОДАЖЕН САЕМ
НОВ САЕМ ВО ОРГАНИЗАЦИЈА НА СКОПСКИ САЕМ!!!
Скопски OUTLET саем
ЗА ПРВПАТ ВО МАКЕДОНИЈА
НОВ ПРОДАЖЕН САЕМ
За да ги задоволи потребите на своите лојални клиенти и посетители Скопски саем од оваа година воведува НОВА саемска манифестација под наслов СКОПСКИ OUTLET САЕМ под мотото СÉ ЗА ВАШИОТ ДОМ!
СКОПСКИ OUTLET САЕМ ќе се одржува цели 16 дена и ќе опфати три викенди.
Од 1. до 16. јуни 2013 Скопски OUTLET саем ќе биде единствениот шопинг настан во нашата држава и ќе претставува одлична сезонска понуда за реновирање, реконструирање, градење, уредување, преуредување, доуредување, разубавување на куќите, становите, градините, балконите, дворовите.
Целта на Скопски саем за организирање на ваков карактеристичен саем е акцелерација на продажбата од асортиманот на производителите и трговските компании во сезона, а за посетителите – можност да најдат СÈ НА ЕДНО МЕСТО по ПОВОЛНИ ЦЕНИ.
Карактерот на СКОПСКИ OUTLET САЕМ е поинаков од останатите саемски манифестации кои ги организира Скопски саем, и како новина, тој претставува саем со исклучително продажен карактер. Наменет е само за потрошувачите, па бидејќи има карактер на продажен саем, ќе претставува најголем алтернативен шопинг простор кој ќе понуди сè за домот, стотици производи по несекојдневни и специјални цени. Со ова, учесниците на саемот ќе им обезбедат на своите купувачи поголема вредност за вложените пари.
Ова прво издание ќе се простира на простор од 7,000 квадратни метри внатрешен изложбен простор во 3 хали и целокупниот надворешен простор со повеќе од 60 штандови. Посетителите ќе може да купат:
дневни соби, спални, трпезарии, кујни, детски соби, гарнитури, лежаи, кревети за бебиња, ормари, комоди, ТВ витрини, основи за душеци-латофлекс, теписи, паркети, ламинатни подови, 3Д ѕидни панели, телевизори, термосифонски системи, канцелариски бироа, маси и столици за дворови и градини, завеси, корнизи, постелнина, душеци, врати и подови, туш кабини и кади, осветлување и електрика, климатизација, олефини воздушни завеси, радијатори, шпорети за парно, бела техника, опрема за дворови и тераси, детски лавиринти за играње, алати, хортикултура, електрични косилки за трева, брусилки, дупчалки, опрема за домаќинство и друго.
За да ја промовира и претстави поблиску до посетителите оваа нова саемска манифестација, Скопски саем издаде рекламен каталог во кој се прикажани дел од производите што ќе се нудат. По малку од сè по промотивни цени.
СКОПСКИ OUTLET САЕМ за посетителите подготви и специјални пријатни изненадувања.
Промотивно, влезот за посетители на СКОПСКИ OUTLET САЕМ ќе биде бесплатен.
Работното време на СКОПСКИ OUTLET САЕМ е од 11,00 до 20,00 часот.
Со оглед на атрактивноста на настанот СКОПСКИ OUTLET САЕМ, се очекува интензивна посета од над 50,000 посетители.
УЧЕСНИЦИ НА ПРВИОТ СКОПСКИ OUTLET САЕМ: