ТЕХНОМА 201229-04-2012

38. Меѓународен саем на металургија, електроника, енергетика, неметали, градежништво, обезбедување и заштита

13. Меѓународен саем на занаетчиство и  мало стопанство

МАКИНОВА - 32. Меѓународна изложба на иновации

ТЕХНОМА 2012 - најголемата и најреномираната саемска манифестација која ги обединува претставниците на најголемите домашни, но и странски производители во областа на металургијата, електротехниката, енергетиката, неметалите, градежништвото, обезбедување и заштита, ќе се одвива во терминот од  16. – 20. октомври 2012 година.

Меѓународниот саем – ТЕХНОМА е важен промотор на развојот на индустриското стопанство во регионот, кој повеќе од три децении го следи технолошкиот напредок на најновите достигнувања во областа на технологијата и интензивирање на меѓународната размена.

Дополнителна атрактивност и збогатување на овој саем се Саемот за занаетчиство и мало стопанство и изложбата на пронајдоци - Макинова. 

Зголемениот интерес на  учесниците го исполни сиот расположив изложбен простор на Скопски саем со површина од 14.000 м2, а вкупниот број на претставени фирми изнесуваше околу 239 директни учесници од кои 149 домашни и 90 странски компании од: Грција, Словенија, Хрватска, Австрија, Белгија, Бугарија, Германија, БиХ, Србија, Црна Гора, Јапонија, Данска, Холандија, Шведска, Шкотска, Швајцарија, В. Британија, Канада, Шпанија, Република Чешка, Индија, Израел...

Саемската манифестација Технома 2011 беше збогатена со национални претставувања од:

• Грција – ТИФ (Thessaloniki International Fair) и Регионалната комора од Солун
• Словенија – ЈАПТИ – Јавна Агенција на Р. Словенија за Претприемништво и Странски Инвестиции и Комората на Занетчии и Мал Бизнис
• Италија – Дводневен бизнис настан ЕКОБИЗ ЕКСПО на кој се претставија 40-тина компании со дејности од областа на: енергетиката, обновливи извори на енергија, животна средина, екологија итн., во организација на ФДЛ Сервизи од Бари - Италија, носители на проектот АМИКО

ПРОГРАМА НА ИЗЛОЖУВАЊЕ

• Црна и обоена металургија
• Металопреработувачка индустрија
• Електро и електронска индустрија
• Енергетика
• Енергетска ефикасност и обновливи извори на енергија
• Управување со отпад, рециклирање, екологија
• Уреди и опрема за греење, ладење и климатизација
• Мерна опрема и инструменти
• Технологија и управување со води
• Неметали, хемиска и петрохемиска индустрија
• Градежни и изолациски материјали
• Средства и опрема за градежништво
• Техничко-технолошки иновации
• Опрема и технологија за користење на сончева и други извори на енергија
• Системи за сигнализација на пожари
• Средства и опрема за ХТЗ

 

ПРИДРУЖНИ МАНИФЕСТАЦИИ

• Енергетски форум
• Деловни денови на индустријата за неметали и градежништво
• Советувања, конференции и предавања
• Промоција на нови производи
• Демонстрација на машини и друга опрема изложена на саемот

 

ПРИЧИНИ ЗОШТО ДА УЧЕСТВУВАТЕ НА ТЕХНОМА 2012

• Промовирајте ги своите услуги пред пошироката деловна публика
• Направете директен контакт на едно место со компании заинтересирани за вашите услуги
• Зголемете ја директната продажба и можностите за продажба
• Откријте нови можности
• Сретнете се и соберете искуства од водечките компании

 

ОЧЕКУВАЊА

Учеството на странски компании кое изнесува 40% од вкупниот број на изложувачи, како и бројот на посетители кој минатата година изнесуваше 25.000, деловна посета, како носители на деловни одлуки, инвеститори и експерти ќе Ви овозможи исклучителна можност да ги промовирате Вашите услуги пред пошироката деловна публика и да направите директен контакт на едно место со компании заинтересирани за Вашите услуги.

Контакт: Валентина Димирова, Оперативен директор на проекти

Тел : 00389 2 3218 351, 00389 70 22 66 34 

e-mail: [email protected]

web: www.skopjefair.com.mk

СКОПСКИ САЕМ/ЕКСПО МЕДИА

Извршен директор,

Даниела Глигоровска